يعني ايه Business Model؟
يعني هو يحدد ازاي تخلق قيمة حقيقية من البيزنس تبعك وازاي توصلها للعملاء المناسبين. هو بالبساطة دي فعلاً، لا يوجد فيه تعقيدات كثير.
طيب ازاي بعمل Business Model؟
أشهرهم على الإطلاق هي ال Business Model Canvasهي أداة تساعدك على وضع تصوَر كامل ل.ل Business Model في شكل لوحة ومخطط واضح قدامك
يتكون من 9 أقسام
4 أقسام في الناحية اليمنى للمخطط: تختص بكل ما يتعلق بالإيرادات المنتظرة ومصادرها.
4 أقسام في الناحية اليسرى للمخطط: تختص بكل ما يتعلق بالتكاليف المتوقعة وأوجه صرفها.
والقسم الأوسط يتعلق بالقيمة المقترحة أو العرض المقدم.
مصادر الإيرادات Revenue Stream
شرائح العملاء أو الزبائن Customer Segments
قنوات التوزيع Channels
العلاقة مع العملاء Customer Relationship
القيمة المقترحة أو العرض المقدّم Value Proposition
هيكل التكاليف structure Costs
الموارد الأساسية Key Resources
الأنشطة الأساسية Key Activities
الشركاء الأساسيون Key Partners
الأن نشوف كل خطوة بعمل فيها ايه بالترتيب الأمثل للخطوات:
1-Customer Segments
بتحديد بالضبط مين هي شريحة العملاء المستهدفة
2-Value proposition(offer).
المقصود بيه ايه اللي انت بتقدمه للعملاء وايه المميز في منتجاتك أو خدماتك، والتميَز ده ليه عناصر كثير ممكن يكون: فكرة جديدة، أداء أعلى، منتج أو خدمة معدَلة حسب رغبة العميل، ممكن تكون منافسة بالسعر أو بالملاءمة أكثر لظروف العميل
يعني ممكن تكون مزايا:
- Quantitative معدودة ومحسوسة
- Qualitative – نوعية وغير معدودة
3-Customer Relationships(CRM)
ايه الطرق اللي تساعدك تفضل على تواصل مثمر مع عملائك لإسعادهم وفي النهاية لتحقيق ثقة وولاء أكبر لشركتك.
4-Channels
هنا نحدد قنوات التوزيع والبيع عشان نوصل للعميل بشكل جيد وايه هي قنوات الترويج والدعية والاعلان للي نستخدمها.
5-Revenue Streams
خطوة مهمة جدا وأساسية وكلنا مستنينها، أنا أكسب منين بقي، ايه هي مصادر الإيرادات والربح بتاعي وبتبقي مهمة جدا لو أنا وسيط مش مقدم خدمة مباشر وخصوصا لو أونلاين.
والإيرادات ممكن تكون بأشكال كثير مثلا:
- Asset/ Product Sale
الايرادات من بيع منتجات أو سلع أو أصول، زي محلات الملابس مثلا
- Usage/Service Fee
الايرادات من الرسوم مقابل خدمة معينة، زي شركات التوصيل فيدكس
- Brokerage Fees
الايرادات من العمولة نتيجة العمل كوسيط بين البائع والمشتري، زي شركات السمسرة العقارية
- Subscription Fees
الايرادات من الاشتراك في خدمة مستمرة، زي نيت فليكس
- Advertising.
الايرادات نتيجة فرض رسوم مقابل الاعلان عن منتج أو خدمة، زي الاعلانات على المواقع
- Lending/Leasing/Renting
الايرادات من فرض رسوم ايجار مقابل مدة محددة، زي ايجار سيارة
- Licensing.
الايرادات من فرض رسوم على استغلال ملكية فكرية أو اسم البرند، زي أنى أشتري حقوق برنامج أجنبي وأعمله في الوطن العربي مثلا
وممكن تستخدم أكثر من مصدر في نفس ال Model
6 -Key Partners
هنا بحدد كل الشركاء والجهات المعنية اللي بتكون مشتركة معايا ومساعدة ليا أ، مؤثرة أثناء تقديم المنتج والخدمة الخاصة بي للعملاء.
7-Key Activities
كل الأنشطة والمهام المطلوبة لخلق وترويج وتوصيل القيمة للعملاء وتحقيق الإيرادات.
8-Key Resources
كل الموارد المطلوبة: من موارد بشرية ومالية ومواد خام ومعدات وإدارة قوية.
9-Cost structure
هنا بحدد أكثر البنود والموارد تكلفة في نموذج العمل، وهل يبقى
- Cost-Driven – تركيزي أكثر على تقليل النفقات
- Value-Driven – تركيزي أكثر على تقديم أفضل قيمة ممكنة بغض النظر عن التكلفة.
